განსაკუთრებულ მნიშვნელობას ვანიჭებთ საქართველოს, როგორც რეგიონულ ეკონომიკურ ცენტრად ჩამოყალიბებასა და ქვეყნის სატრანზიტო ფუნქციის გაძლიერებას. საქართველო კიდევ უფრო აქტიურად უნდა ჩაერთოს საერთაშორისო ენერგეტიკულ, სატრანსპორტო და საკომუნიკაციო პროექტებში, რის მისაღწევადაც ერთ-ერთი მთავარი პროექტი ანაკლიის პორტის მშენებლობის დასრულებაა. ჩვენთვის მნიშვნელოვანია მეზობელ ქვეყნებთან თანამშრომლობა და კავკასიის ეკონომიკურად მიმზიდველ, მშვიდობიან და უსაფრთხო რეგიონად გადაქცევა. საქართველოს ტრადიციულად კეთილმეზობლური ურთიერთობები აკავშირებს რეგიონის ქვეყნებთან: აზერბაიჯანთან, თურქეთთან, სომხეთთან, უკრაინასთან. ჩვენი მიზანია, საქართველომ მნიშვნელოვანი როლი ითამაშოს შავი ზღვის აუზსა და კავკასიაში ისეთი რეგიონალური ინიციატივების მხარდასაჭერად, რომლებიც ხელს უწყობს მთელ რეგიონში დემოკრატიული პროცესების განვითარებას.