ჩვენი ხედვის შესაბამისად, კულტურის პოლიტიკის მიმართულებით სახელმწიფოს შემდეგი პრიორიტეტები უნდა ჰქონდეს:

• კულტურის საშუალებით საქართველოს საერთაშორისო პოპულარიზაციის გაზრდა;
• კულტურულ რესურსებზე საქართველოში თანაბარი ხელმისაწვდომობის უზრუნველყოფა;
• კულტურული მემკვიდრეობის აღწერა, სისტემატიზაცია და დაცვა;
• თანამედროვე კულტურული და სახელოვნებო ინიციატივების მხარდაჭერა.

ამ მიზნით სახელმწიფოს მთავარი ვალდებულებაა:

• სახელოვნებო და კულტურული საქმიანობის თავისუფლების მხარდაჭერა და წახალისება;
• რეგიონული პროექტების იმდაგვარად კონსტრუირება, რომ საქართველოს ყველა მხარეში შესაძლებელი იყოს კულტურული ცხოვრების განვითარება;
• კულტურული მემკვიდრეობის სფეროში აუცილებელია ძირითადი თანხებისა და რესურსების კონცენტრაცია;
• საქართველოს საგარეო-საიმიჯო ღონისძიებათა დაგეგმვისას კულტურის კომპონენტი საერთო კონცეფციის განუყოფელი ნაწილი უნდა იყოს;
• კულტურა უნდა განვიხილოთ საზოგადოების ინტეგრაციისა და საგარეო გავლენის ერთ-ერთ მთავარ ინსტრუმენტად.