შეადარეთ პოლიტიკური პროგრამები თემატურად
ერთიანი ნაციონალური მოძრაობა - გაერთიანებული ოპოზიცია

ჩვენი გეგმით:

 

  • 20%-ით გაიზრდება ხელფასი ყველა სამხედრო მოსამსახურისთვის;
  • ევროკავშირისა და ნატოს სრულუფლებიანი წევრობა არის ქართველი ერის გაცნობიერებული არჩევანი. ჩვენ გავაგრძელებთ განუხრელ მსვლელობას ნატოში გაწევრიანების მიმართულებით, რაც იქნება საქართველოს სახელმწიფოსა და მოქალაქეთა უსაფრთხოებისა და ეკონომიკური კეთილდღეობის მნიშვნელოვანი საფუძველი;
  • კიდევ უფრო მეტად გავაღრმავებთ ამერიკის შეერთებულ შტატებთან სტრატეგიულ პარტნიორობას, გავაძლიერებთ თანამშრომლობას სამართალდამცავ და უსაფრთხოების დასავლურ სტრუქტურებთან, საქართველოს შიდაპოლიტიკურ პროცესებში გარე ჩარევების განეიტრალების მიზნით;
  • გავაძლიერებთ სამხედრო მრეწველობას, რომელიც, ერთი მხრივ, განამტკიცებს საქართველოს თავდაცვისუნარიანობას, ხოლო, მეორე მხრივ, გაზრდის ქვეყნის საექსპორტო პოტენციალს ასობით მილიონი დოლარის ოდენობით;
  • ახალი ძალისხმევით გავაგრძელებთ შეიარაღებული ძალების მოდერნიზაცია-აღჭურვას, რაც ბოლო 8 წლის განმავლობაში შენელდა. განსაკუთრებულ ყურადღებას მივაქცევთ ქვეყნის ჰაერსაწინააღმდეგო, ანტისატანკო თავდაცვასა და კიბერუსაფრთხოებას;
  • შეიარაღებულ ძალებს ეტაპობრივად და სრულად გადავიყვანთ პროფესიულ-საკონტრაქტო სისტემაზე, შესაბამისად, უარს ვიტყვით სავალდებულო სამხედრო სამსახურზე;
  • განსაკუთრებული ყურადღება დაეთმობა სამხედრო პირთა ობიექტურ პრინციპებზე დაფუძნებული კარიერული ზრდის, გამჭვირვალე და სამართლიანი სისტემის დამკვიდრებას;
  • გაიზრდება სამხედრო მოსამსახურეთა ანაზღაურება და მათ ოჯახებს გადაეცემათ ჯანმრთელობის დაზღვევის საუკეთესო პაკეტი;
  • შრომისუნარიანობა დაკარგულ, დაჭრილ სამხედროებს შეუნარჩუნდებათ ხელფასის ასი პროცენტი, მთელი ცხოვრების განმავლობაში;
  • სამხედრო ოპერაციებსა და მისიებში დაღუპულ სამხედროთა ოჯახებს შეუნარჩუნდებათ ხელფასის ასი პროცენტი, მთელი ცხოვრების განმავლობაში.

პარტიის პოზიცია