შეადარეთ პოლიტიკური პროგრამები თემატურად
ერთიანი ნაციონალური მოძრაობა

ამ მიმართულებით საჭიროა:

  • ბიუჯეტის დაბალანსება. არ ექნება ადგილი დეფიციტურ ხარჯვას, რაც არსებული მთავრობის პირობებში ხშირად ხდებოდა და ეროვნული ვალუტის გაუფასურების ერთ-ერთი მიზეზი იყო;

  • გადასახადების შემცირებით, ზედმეტ რეგულაციებზე უარის თქმითა და საგადასახადო ადმინისტრირების ლიბერალიზაციით, ბიზნესისთვის და ინვესტიციებისთვის მიმზიდველი გარემო, რაც მეტ უცხოურ ვალუტას შემოიტანს ქვეყანაში, ასევე გაზრდის ექსპორტს, განავითარებს ტურიზმსა და მომსახურების სხვა სფეროებს.

 

ჩვენ უზრუნველვყოფთ ეროვნული ბანკის რეალურ დამოუკიდებლობას და ხელს შევუწყობთ ფინანსური სტაბილურობის განმტკიცებას. საბანკო ზედამხედველობის სამსახური დაბრუნდება ეროვნული ბანკის დაქვემდებარებაში.  ჩვენ ვიმედოვნებთ, რომ ეროვნული ბანკი გააგრძელებს მკაცრი მონეტარული პოლიტიკის გატარებას და ფულის მასის მკვეთრ ზრდაზე უარის თქმას. ამასთან, არ დავუშვებთ ლარის კონვერტირებადობის ხელყოფას, ვინაიდან მიგვაჩნია, რომ თავისუფლად კონვერტირებადი ვალუტით სარგებლობა არის ადამიანთა საბაზისო უფლება და დაუშვებელია მისი რამე ფორმით შეზღუდვა ხელისუფლების მიერ.

პარტიის პოზიცია